Қарабұлақ орта мектебінің тарихы

Аудан орталығынан 30 шақырым жерде Көлтабан ауылдық округіне қарасты Қораши ауылында орналасқан Қарабұлақ  мектебінің  негізі 1930 жылдары  Қарабұлақ  4 сыныптық  мектебі  болып   қаланған.   Алғашқы ұстаздарының  бірі   Амандықов  Жайлы,  Өрбісінов  Тәуір кейіннен  бастауыш  мектеп меңгерушісі Тәуіров  Есекен  болды.    Әбимолдина  Көркем, Тайжанов  Тынымбай,  Төленов Мырзабек,  Балықбаева  Сағира  сынды  ұстаздар  оқушыларға  дәріс  берді.  Қарабұлақ  бастауыш  мектебінде  Республикаға  танымал  ақын  Сәбит  Баймолдин,  Жем – сағыз  газетінің  редакторы  журналист болған  Құлымбаев  Тұрлыбай,  облысымызға  танымал  ақын,  суретші  Серікбай Қайдасов,  физика – математика  ғылымдарының  кандидаттары Жеткербай  Қайдасов,  Қуаныш  Оңайбаев   сияқты  танымал   тұлғалар  оқып  алғаш  әліппе  бетін  ашты. Ауыл  тұрғындары  1973 жылдан        бері  жоғарғы  өкілетті  орындардан  ауылға  мектеп  ашу  туралы  өтініш  берген  болатын.  Сол өтініштері  қанағаттандырылып,  елді мекенге мектеп ашылды. Ащы  селолық  округіне  қарасты  Қаракөл  орта  мектебі  бала  санының аздығына байланысты  жабылып,  сол  мектептің  орнына   1998  жылы  9 жылдық  Қарабұлақ  орталау  мектебі  болып  ашылып,  директоры  Жақас  Тоғызбай  болып  сайланды. 1999 жылдан  бастап  11 жылдық  орта  мектеп  болып  қайта құрылды. Мектеп  ғимараты  болып  бастапқы  кезде дүкен орны  болатын,  оған ауыл  тұрғындары  өз күштерімен  4 кластық  бөлме  қосып  салып  алды. Кейін  11 жылдық  болып  қайта  құрылғанда оған класс жалғау қажеттілігі туындап, сұраныс беріле бастады. Сөйтіп 2008 жылы тағы да 4 кластық бөлме жалғанды. 2016 жылы мектеп күрделі жөндеуден өткізіліп, есік, терезе, еден т.б ауыстыру  жұмыстары  жүргізілді.Қазіргі таңда мектеп тұрақты түрде жұмыс жасап келеді. Бала саны да тұрақты. Мектеп оқушылары түрлі дәрежедегі сайыстарға қатысып, республикалық, Халықаралық сайыстардан жүлделі орын алуда.     Мектеп  директорының  қызметін  Жақас Тоғызбай  1998 – 2013  жылдың  қарашасына дейінгі   аралығында  атқарды.  Ал  Тайжанов Меңдигул Тынымбаевич   2013 – 2017  жылдың   қаңтарына  дейін   мектеп  директорының қызметін  атқарса,  2017 жылдан  бері   Келдібаев  Ахмет Бақтыбайұлы  мектепке  басшылық  қызметін  жасауда. Қазіргі  таңда  бұрын басшылық  қызметін  атқарған  тұлғалар  айталық, Жақас  Тоғызбай  математика  пәнінің, Тайжанов  Мендигул  алғашқы  әскери  дайындық  пәндерінен  сабақ  беріп  мұғалімдік  қызметтерін  атқаруда.Қарабұлақ  орта  мектебі  жоғарғы  және  арнаулы  білімді  жас   маман  кадрлармен  толық  қамтамасыз  етілген. Бүгінгі таңда  36 ұстаз жұмыс  жасап  жатыр.  Қарабұлақ орта  мектебінде физика, химия  кабинеттері  жабдықталған.  Қазіргі таңда мектебімізде спортзал құрылысы жүргізілуде.